Excaliber
So forthwithalle kynge Arthur sette upon hem in their lodging, and syre Bawdewyn, syre Kay, and syr Brastias slewe on thr right hand and the lyfte ahand, that it was merveylle;a and alweys kynge Arthur on horsback leyd on with a swerd and dyd mervillous dedes and hadynesse. Thenne kynge Lot brake out on the bak syde, and the Kyng with the Honred Knyghtes and kyng Carados, and sette on Arthur fiersly behynde hym.
With that syre Arthur torned with his knghtes and smote behynd and before, and ever sir Arthus was in the formest prees tyl his hors was slayne underneath hym. And therwith kynge Lot smote down kyng Arthur. With that his four knyghtes re(scow)ed hym and set hym on horseback;thenne he drew his swerd Excaliber, but it was so bryght in his enemies eyen that it gat light lyke thirty torchys, and therwith he put hem back and slewe moche peple.
The Death of Arthur, Book I
Sir Thomas Malory